23-6-2007
سلااااااااااامو للجميع
واول شي آسفه ع التأخير بأضافه مشاكسه جديده هع
واحب اشكر الجميع على تشجيعهم لي ولمشاكساتي الشينه هع
من جد افرحتني حروفكم لي وان شاءالله اكون قد هالثقه
واليوم موضوع عن سرقه افكار الآخرين او بمعنى آخر سرقه مجهود الغير بدون رقيب ولا
حسيت
وهالموووضوع كثير صار لي وضايقني كثيررر مررره
يعني مدري وش الدبره معهم هع هع
يجون لكم ناس تافهه مايعرفون للابداع طريق
يسرقون شغلي او يأخذون جميع افكاري وتصنيعها بطريقتهم
يعني ناس فاضيه مافيه ابداع او حس فني او فكر جيد في عقولهم
كثييير كثييير عانيت منهم وغير كذا عيني عينك يعني قدامي تصير هالاشياء
من جد شي مضحك والله
مره من المرات في أحد المنتديات انسانه فارغه جداً وكل وظيفتها تقليد الآخرين
كل ماحطيت فكره جديده او اتبعت اسلوب جديد في طرح المواضيع او الصور
قاااااااااامت تفحط وقامت تسوي مثلها بالتمام
اي فكره اسويها دايركت تسويها ماتبدع ابد يعني بس تنتظر اني اسوي شي جديد وتسويها
بالضبط
المشكله ان هالمنتدى واداريه شايفيني كذا ويشجعونها
خخخخخخخخخخخخخخخخخخ
العلاقات تلعب دروها ياجماعه
وقبل مده وانا افرفر في المواقع لقيت موقع مسوي شي مشابه مثل ستايل موقعي الحليل هع
وانصدمت بصراحه انه نفس الشي اللهم اختلاف اللون انا قلت يؤؤ شكلي انا اللي مسويته
وانا مدري هع
ياجدعان خذوها نصيحه من انسانه عانت كثير من هالموووضوع
انتم من نفسكم ابدعوا ابتكروا شي خاص فيكم
خلوا لكم ستايل خاص طريق تمشون فيه
خلوا الناس لما تشوف الشغل تعرف انه انت اللي مسويه يبان اسلوبك عليه
لانه سرقه افكار الغير نهايه مشوارك
في الاخيررر ماراح تقدر تبدع ولا شي بيكون شغلك كله معتمد على اعمال الناس الثانيه
هذا انا اكبر مثال عندكم
كنت في يوم من الايام مااعرف وش الفوتوشوب او في في مجال التصميم
والحمدلله شوفوا كيف قدرت ابتدي المشوار صح
انا تعبت على نفسي كثير كنت مرات ابكي اذا ماعرفت شي ولا انام الا الين اعرفه
وربي لك الحمد راضيه باللي وصلت له واطمح للمزيد
نصيحتي لكم
ابنوا لكم صرح شامخ بتعبكم وجهدكم انتم فقط..
ولا لا وألــف لا لسرقه الافكار ونسبها لانفسكم
واحب اقول للناس اللي قاعده تسرق افكاري وجهدي وطريقه تصاميمي اتقوا الله في انفسكم
اذا منتم خايفين مني فيه واحد اكبر مني ومنكم هو اللي بيتكفل فيكم
اقولكم مرره ثانيه
حامض على بوزكم تصيرون مثلي >>هيه هيه وش عندها كونداليزا رايس هع
ماعليه بتحسون انه انا مره معصبه وطايره في العجه
بس من قهري والله
سامحوني على كلماتي القويه >>بعد وش يوم خربتي الدنيا
وبــــــــــــــــس
لنا لقاء آخررررر
^_^