2007-12-27
ياهلا بالجميع
مشاكستي اليوم يمكن تكون غير
اليوم صحيت من النوم ومرتاحة وكل أموري تمام
جيت أشيك على موقعي وايميلاتي ومن هالامور
شي لفت انتباهي رد زائر أو زائره والله ما عرفت بالضبط وش جنسه
رد ما قول استفزني إلا بقول موتني ضحك
قلت اوكيك جا ها لرد من السماء
وافرح يا صاحب الرد بنزل لك موضوع خاص في موقعي
طبعاً زواري الأعزاء أنا راح أرد على رد الزائر من بدايتها لنهايتها وبحطها لكم بلون مخالف
يعني رده بلون الأبيض وردي انا بهاللون
السلام عليكم..
وعليكم السلام والرحمة..ياهلا
صراحة موقعك جدا عادي .. و اسمك اقل من عادي .. و تصرفاتك و ستايلك كلها مبتذلة و مستهلكة
بسم الله أصبحنا وأصبح الملك لله
أول شي ببدء معاك في نقطع موقعي جداً عادي..عادي في ايش بالضبط
كل هالاقسام وكل هالنشاط والابتكار اللي عندي وموقعي جداً عادي
طيب ولايهمك جداً عادي مراح ازعل ان شاءا لله ربي يعطيني قدره خارقه ويصير موقعي شي غريب وعجيب
ههههههههههههههههههههههههههه
اسمي عادي..ولايهمك بعد هو عادي جداً..مدري حضرتك هل تبي اسمي يكون خارق مثلاً
أنا بالضبط مدري وش تبي حضرتك مني كل شي فيني عادي ..وش أسوي ربي خلقني كذا إنسانه عاديه جداً
تصرفاتي وستايلي مستهلك ومبتذل بعد أنت عارف وش معنى كلامك
مابي ادخل في متاهات معاك
هذي أنا بدون تزيف او تمثل على الناس دلوعه اللي معروف اسمها بدلوعه الجيران هذا شخصي وأسلوبي
ما مثلت على الجميع مثل الناس
الناس ماراح اقول كلهم بعضهم ليه حبوني لأنهم عارفين انه هذي شخصيتي بدون تصنع
ماعمري تصنعت أنا على طبيعتي جداً
هل تبيني أكون إنسانه جديه واحط لك خواطر في موقعي وكتابات باللغة العربية الفصحى واتفلسف مثل غير
وانا ماعندي الا الدجه
بكل بساطه هذا بيتي أكون فيه مثل ما أكون في بيتي الحقيقة
الظاهر ان الناس كلها بدت تمشي ورا خطوات وحدة تافهة مثل ستايلك اسمها مس جدة..لو
تفكرين بستايلك هاللي فرحانه فيه و تقولين ان الكل مقلدك فيه مين اول شخص ابتدا
فيه؟؟ مو هي نفسها السخيفة التافهة الطفلة اللي اسمها دانا؟ حسبي الله عليها هي اول
من بدا يحط صور مشخلعة للعارضة السيرلانكية اللي اسمها ادريانا ليما!!!
و تبعها مثلها من الاطفال..
هذي الجملة طويلة مره راح اختصر ردي عليها
بخصوص اني ستايلي مسروق أو أني مقلده هاللي تقول اسمها
بصراحة أنا متواجدة في عده مواقع مختصة فقط بالـ فوتوشوب وتصميم المواقع
ومواقع معروفه لأي مصمم سواء مبتدئه أو محترف
ولا عمري شفت أو سمعت بأسماء هالمصممات اللي ذكرته والله يستر عليهم وين ماكانوا
اللي فرحني إني طفله زين ياشيخ رجعتي سنين وراء هع
وإذا عندك إي رابط يفيدني ويدل إني حزاميه ياليت ترسله وراح انزله عيني عينك بالموقع عشان زواري يعرفون إني حراميه هع
و اللي
فرحانين بسعودية تحط صور مشخلعة مثل كذا!!!
يروح يشوف مواقع الموهوبات من جد..بسنت..نيارت..الفصول الاربعة..الفراشة..و غيرهم
من الموهوبات..
مدري وش أرد هل تبيني أحط صوره العلم السعودي وسيفين ونحله عشان يفتخرون فيني
ههههههههههههههههههههههههههههههههه
ياخي أنت احد مرسلك لي
انا ماجبت شي مني تقدر تشوف عطر مرروكم وتعرف الناس وش كاتبه لي محد ضرب احد على يديه
وقاله يكتب لي كلام مجامله
والرسائل الايميل تثبت هالشي
عاد مشكله الناس كلها كذابة وأنت الصادق
وبخصوص المصممات اللي ذكرتهم حبيت أوضح لك شغله هم مجالهم غير عن مجالي تماماً
اغلبهم أظن مختص بالرسم الرقمي والتصوير..وإذا أنت ناسي أنا ابد مو مجالي الرسم الرقمي ولا التصوير للتوضيح فقط
وأتوقع هم محترفين في مجالاتهم وأنا إنسانه على قد حالي هواية فقط لا غير
أنا ما ادعيت الاحتراف وتقدر تتأكد بنفسك وتقرأ الموقع كامل
كل السالفة هواية فقط لأغير وأتمنى ربي يوفقني
وها لمصممات اللي ذكرتهم الله يوفقهم وين ما كانوا
وأنت جاي تقارني فيهم..يا ليت تركز شوي
(:
مو وحدة
مصممتلي موقعها على الفرونت بيج و فرحانة فيه و مسوية تتكلم عن المجتمع!!!!
حتى كلامها عن المجتمع كله يدور حول الشباب!!
ضحكتني ياشيخ اجل بأيش الناس تصمم مواقعهم..أظن أشهر برنامج للتصميم المواقع هو الفر ونت بيج
Dreamweaver وطبعاً فيه عده برامج من ظمنها
وارجع وأقول انه على الصدارة الفر ونت بيج اللي جالس تضحك علي وتقول مصممته عن طريقه
اجل وريني شطارتك أنت..واغلب مصممين المواقع مالهم غنى عن الفرونت بيج اللي تضحك علي عشانه
الله يخليك ادخل على معهـــد ترايدنــــت بعدين تعال تفلسف علي
شوف يصممون المواقع بأيش
ويكفيني اني صممته من ولا شي ولا كان عندي خبره لو بسيط..كانت خبرتي فقط في الفوتوشوب
وجت فرصه الحين عشان اقول كلمه حق في الدكتور عبدالمجيد والمصمم الجدعاني لوقوفهم معاي
بدونهم أتوقع ماقدرت أحقق شي بسيط
ان شاءالله اذا جت فرصه أحسن من كذا راح اوفيهم حقهم
وبخصوص التكلم عن المجتمع أتوقع للشخص حريه في الشي اللي يكتبه ويقوله
ومين قال أن كلامي يدرون عن الشباب تقدر تأخذ جولة في الموقع وتتأكد
شوف مشاكساتي وراح تتأكد
وافرح هذي المشاكسة مخصص له مين قدك
عيب عليك استحي على دمك شوي!! و بعدين الستايل اللي فرحانه فيه عند الكل منتشر ..
يعني لا تاخذين بنفسك مقلب يا ماما..
و بصراحة استحيت اقرا باقي الكلام في موقعك .. انا شفت الصفحة الرئيسية و انفجعت و
قريت بعض العناوين الرئيسية و ما بغيت ادخل في تفاصيل تافهة مثل كذا..
و هذا ان دل على شي بيدل على صغر سنك و عقلك..
PEACE
ولا يهمك راح استحي على وجهي والبس برقع بعد هههههههههههههههههه
ونرجع طير ياللي على سالفة الستايل يا أخي العزيز أنا مطلعه على اغلب أعمال مصممينا ولا عمري شفت مثل هالستايل
لو يعني على قولتك مسروق كان جا صاحب الستايل الأصلي وقالي عشان استحي على وجهي ولا اسرق شغل الناس
إذا أنا بشخصي أحارب السرقات اللي تصير في اغلب مواقعنا..يعني معقولة أجي أزيد الطين بله واسرق
ههههههههههههههههههههههههههههههههه
مدري ليه محسسني أنت آن موقعي موقع اباحي كل كلمه والثاني استحي واستحي وانفجعت
سلامات يا ابو الشباب لايكون حاطه صور فاضحه ومنزله مقاطع وكاتبه قصص مخلة بالآداب
عجبي يالناس من الحاقدين
ومقبولة مني بخصوص صغر سني هذا أهم شي بالموضوع فرحتني الله يفرحك دنيا وآخره
وبهيك انتهى رد أخينا او اختنا والله مدري هو بنت ولا ولد
هذا يا زواري الأعزاء اللي صار لي اليوم وانتظر ردودكم سواء عن طريق عطر مروركم او الايميل
هل انتم شايفين هالشخص صادق بكل كلمه قاله بحقي
انا رديت عليه بكل امانه و ردودي كانت صادقه بدون زيف ابد
أتوقع هو كان يبي يستفزني ويحبط من عزيمتي بس اقولك يا بابا العب غيرها شفت من نوعياتك كثير
صار عندي مانعه
تقدر تتطلع على زوار موقعي وتعرف كم عددهم
Total number of page views up till now 29,283
من بينهم هالعدد الهائل شخصين فقط ردوا مثلك أنت و وشخص مريض ثاني
الله يشفيكم
لو انك راد بأسلوب حلو ومحترم ماقلت شي بس جاي ماشي طبلون ومتحمس مدري على وش
وحبيت أقوله كلمه انه إذا أهلي مو راضين عن موقعي ومحتواه كان ماشفت دعمهم لي
يعني هم مطلعين على كل شي ويعرفون لي كل عني من والى
ماني من النوع اللي يخبي ويمثل
ردي عليك
.
.
.
.
دع القافلة تسير والكلاب تنبح
(: