أحب و ما أحب

2008-2-18

·      ما أحب التقيد بتقاليدنا اللي تفرض علي أشياء ما أحبها ابد

·      أحب نمط الحياة اللي كونها لي بابا

·      ما أحب بعض العلاقات اللي كونتها بمراهقتي ببعض صديقاتي لاني اكتشفت بعد ها لعمر انه ما فيه شي مشترك بيني وبينهم عقول شبه فارغة الله يعني عليهم

·      أحب بابا بشكل جنوني هو محور حياتي بدونه أنا لا شي

·      ما أحب سلبيه ماما في أمور كثير الحياة محتاجه شويه ايجابيه يا ماما بليز حاول تتجاوبين معنا<<وجه يبكي

·      ما أحب احد يفرض علي شي أنا ابد مو مقتنعة فيه

·      ما أحب التزم مع أي طرف بأشي شي يقيدني أبي كل شي يكون بمزاجي

·      ما أحب فلسفه بعض الناس في مواضيع هم مو قدها إذا احد بيدخل بحوار ياليت يكون ع الأقل  قده

·      ما أحب نظرات مجتمعنا العائلي لنا (عائله مرفهة.عائله ما يعرفون الهم.عائله مرتاحة.عائله فيهم وفيهم وفيهم)القائمة تطول..ياليت تغيرون نظرتكم لنا ما فيه احد مرتاح..وكلنً على همه سرى

·      أحب تواجد هنوده بنت عمتي في حياتي وبعد عمتي مومو اكتشفت بعد ها لمشوار العمري إن تفكيركم مطابق لتفكيري(كنت بعيده عنكم طول ها لسنوات اعذروني)

·      أحب الزمن القديم بحلوه ومره عشقي لعبدالحيلم وثومه وصباح وسعاد حسني وزبيده ثروت هم باختصار عالمي المجنون

·      ما أحب أيام مراهقتي اكرها بشكل على أنها أيام حلوه بس بعد سنوات عرفت إني إنسانه كنت عايشه بس للأغاني وسوالف البنات والجوال والطلعة والكلام الفاضي (يا لتني اقدر امسح هالفتره من بالي)

·      أحب تفاصيل حياتنا بالبيت مابين مد وجزر مابين الحلو والمر

·      أحب ماكدونالدز  ما اشبع ابد منه

·      أحب اشرب موكا من ستار بكس استمتع بشربها

·      أحب الإمارات بشكل جنوني ياحبي لكم بس يا أهل الإمارات

·      أحب التجربة اللي اعيشها حالياً..دخولي للعمل التطوعي

·      ما أحب إهمالي لنفسي وصحتي..إنصدمت  قبل فتره بهبوط دقات قلبي..لأسباب أجهله وقام الدكتور يتفلسف علينا أنا وبابا..ما راح انسي آثر الصدمة على وجه بابا

·      ما أحب التفكير لبكره..تقريباً من سنه وأنا في حاله رعب من كلمه بكره وش  بيصير..!

أحس إني طلعت اللي بقلبي كله ..أكتفي بها لقدر..}

Back/رجوع