السلام عليكم

عوده جديده

الحمد لله الذي أنعم وتفضل وإعطاء فأجزل..

ثم الصلاة والسلام على خير الأنام

اممممممممم

>>تفكر في شي حلو هع
تهرب من الكلمات والحروف المتقاطعة هع امزح

من جد ما ني عارفه وش أقول
بس ما راح ولا كلمه تبلغ ما يحويه صدري من عظيم المشاعر في هذا اللحظات

في هذا اليوم بذات بشوف ولو القليل مني هنا
ياما وياما انتظرت من هاللحظه وحلمت فيها كثيرررره

وهذا ه تتحق اليوم

اكيد مافهتوا وش السالفة

انأ بقصد افتتاح موقعي المتواضع جداًً

هههههههههههههههههاي

>>من الفرحة تضحك هع

قبل لا أبدا إي شي وقبل لا تفرفرفرون في موقعي
حبيت أضع إمامك وفي قلوبكم شي بسيط ويمكن انه ما يقدر يعبر على اللي فيني

من الصعب على إنسان انه يصنع لنفسه انجاز دون ان يكون هنالك ايادً حاتميه تقف معه وتعينه أيا كان هذا العون


وانأ وحده من الناس اللذين سخر لهم الله اللقاء بنموذج رائع..
للعطاء
إن لما يكون هو العطاء بنفسه

هو ليس بملك ولا أمير ولا وزير بل سلطاناً بأخلاقه..

ذاك الجبل الأشم في بيداء الزمان فهنيئاً لزمانً هو من أهله

عذراً أيها السلطان اعلم إن حروفي لا تفيك حقك فالجبال لاتجاري في علوها

وماما أيتها الرقيقة أيتها الصديقة أيتها الأخت ملكه حياتي وقلبي

من دونك ودون تشجيعك لي والإيمان بموهبتي
ما كانت وصلت للي انأ فيه

أحبك

عمي ..بل أخي الذي لم تلده ماماتي هع هع

كنت ولازلت نعم الاخ والصديق والحبيب هع هع >>بتموتني زوجته

احمدلله الذي رزقني بإنسان يحمل عقليتك المنفتحة على العالم الآخر

اختي الهبله ههههههههههه

على انك م اتفهمين شي بالمجال هويتي بس شجعتني

لكم مني أعذب تحيه
وحياكم الله

دلوعه هانم

2007

اكيد مستغربين من الكلام اللي فوق..!

وش افتتاحه وش شكره اكيد البنت انهلبت هع

هذا ياطويلين العمر افتتاحيه موقعي قبل سنه وشهر بالضبط

كتبته في مقدمه الموقع..أشكر الله.. وكل من وقف معاي

ما اصدق مرت سنه ..يالله بس..!

قريتها ودمعت عيوني..!

وبناسبه مرور سنه للموقع..غيرت الستايل وإضفت كم قسم جديد

عشقي الاقسام الجديد والمميزه بمضمونها

وطبعاً حبيت احط كلمه الافتتاح اللي كتبته قبل سنه

ياليت الايام ترجع..لبدياتي..

مااقول غير الحمدلله على كل شي

واللي فيه انا الحين من فضل ربي

امممممممممممم

مرت سنه

مدري وش اقول بالضبط ..كثير فرحانه وبنفس الوقت صارت كم شغله بدايه هالسنه ابده موحلوه هع هع

اليوم اقول لعمتي انه موقعي صار له سنه

قالت لي وش أستفدتي بهالسنه وش تغير فيك..؟

طبعاً استفدت كثير ..تحسن شغلي..

تعرفت على ناس وش اقول بس قمه في الأبداع..في مجال التصميم..ماكنت متوقعه

في يوم اني اكون قريبه منهم

وغيره في بدايه موقعي جاني شي مره حلو..رساله من الصحفي والكاتب على المفضي

من جريده الجزيره فرحت فيه كثير والين الحين محتفظه بالرساله..

كنت توني مبتدأه ..وشجعني كثير ..

وغيره دمجت مابين حبي للاشغال اليدويه مع التصميم..بديت إبداع في اطار العائله وصديقاتي

حبوا شغلي

صار عندي هوس اني اجرب اكثر من برنامج..

والشي الوحيد اللي متررده فيه تصميم الستايلات..ابد مو حابته ..كثير نصحوني اجربه

بس مادخل مزاجي..كل مره اقول بجرب بعدين اهون

ان شاءالله هالفتره اقرر هل ابدأ فيه ولا لا..

هذي الامور اللي على الصعيد العملي

اما الصعيد الشخصي..ابد الامور مو تمام من بعد إفتتاح موقعي بفتره والاحوال

شينه..الله يسهل بس

ماتحسون اني بربرتي كثيره هع

الحين بتكلم عن ستايل الموقع ..والكثير صار يعرف عشقي..لكل شي قديم

ومثل ماهو باين بالستايل..

طبعاً اعشق الورد ولا إستغني عنه..والورد اللي بالستايل

من تصميمي..

كثير طلبوا اني اغير اللون الاسود وهذا انا غيرته ..على اني ابد ماني راضيه عن نتيجه الستايل الحالي

بس عشان عيونكم كل شي يهون

وتم إضافه مشاكسه جديده بعنوان(إذا أحب الله عبدا ابتلاه)

امممممممممممممم

وش بعد ماقلته

ايه فيه شي وصوني عليه البنات..كانوا قبل فتره متجمعين عندي

كانت هذيك الجمعه هبال مو طبيعي..احس رجعنا اطفال

وخاصه سوسو المتزوجه وسوسو العانس هع

عليهم هبال مجنون..مشاءالله عليه يقدرون يتأقلمون مع اي جوا

من الفضاوه اللي فينا دخلنا الهمر حقنا حوش الحريم هع وتعالوا شوف وش سوى البنات

يركبونه ويصورون واللي تطلع فوقه هع هع

واللي تجيب الشماغ وتتلثم وتصور يعني حاله جنون عندهم

وفيه وحده شغاله بس دق بواري هغ فضحتنا بالحاره

هي الصور كثيره بس مااقدر احط الا صورتين..عشان هم طلبوا مني ولا انا مابي

المره الجايه بنسوي توسعه بالحوش عشان يقدرون البنات يسوقون ويأخذون راحتهم هع

ومره وحده حبيت ابارك لابو نوره على البنوته الجديده

ابو نوره هو عمي اللي ساعدني في بداياتي

رزقه ربي بنت مره تجنن الله يخليها لهم

وهذي صورتها بالمستشفى

هذا اللي عندي هالفتره

وحابه اتآسف للي يرسلون ويطالبون بأشياء جديده بالموقع

الوقت والله ماهو بيدي وجالسه احاول باللي اقدر عليه

وبين فتره وفتره راح اضيف اشياء حلوه لكم

تحيتي